王菲一直喺北京長大，到咗十幾歲先落嚟香港。一開始佢完全唔識聽廣東話，更加唔好話講。喺語言學嘅角度，十幾歲開始學廣東話，難度要比幾歲人仔大好多。因為廣東話嘅發音系統比起普通話複雜好多。韻母更加複雜多變，聲調由4聲變為6聲（有人認為係9聲）。真係少啲苦工都唔得！
大家可以聽下吳君如同王菲的做嘅訪談節目
初步歸納出講好廣東話嘅少少要點：
1,韻母要發音正確。例如國語人士通常將 “ong” 讀成 “ang”；“ou”讀成“au” 等等。
宜家人人都明嘅“厚多士”，就系因為發“hou2” 時變左 “hau2”，所以就算後面讀啱咗“多事 do1si6” 。我哋充滿創意嘅香港人，都會惡搞成 “hau5do1si2”。唔想比人笑就要好好練好發音啦！
2.語氣詞用得要正確。 好多同學仔發音都唔錯，但講完一句話總係另到香港人覺得好似怪怪哋，就系因為預期助詞用得唔啱。 廣東話嘅語氣助詞，同一個發音有唔同嘅聲調，而唔同嘅聲調表達嘅語氣又唔同。 例如 “係咩？ 好好食噶？” 個 “噶”字 系跌落去嘅 第四聲“ ga4” （日本人俗稱，”噶仔“個”噶“），表示疑問。 但如果讀成第三聲嘅 “嫁”，“好好食嫁”就表示感歎嘅意思。同前面“係咩？”呢個問句造成矛盾，聽嗰個就會莫名其妙啦！
3.識得一啲俗語。呢個算係一個比較高嘅要求，例如 人地講“厚多士”，要知道人地講乜。咁同啲地道朋友仔傾計，先可以一齊笑嘛！
